Zechariah 9

Amaien Onen Asuv Houlu Onen Me-Isrel Keil

Sakaraea 9:9-10; 12:10-11; 13:1

9Iahova selus ka en provet Sakaraea vit,

“!Mihesi kami! !Meatin keil koa mimul en Vatihou Saeon, ▼

▼9:9 Vatihou Saeon vi out kati koa Eim Votut onen Ahi mul ien en out Serusalem.

mihesi kami hemariso!
Anatin, koakeil aro en taon ten out Serusalem, mihemakul en sien.
!Milesi! Asuv houlu onami mai valosil kat kami.
Keihoen mul en hen ka vae mulin vativieh keil onen.
Ka kur rendemien ten merauen ka muloh en dongki tai mul mai.
Anatin, rondan en titan dongki tai ka mul mai.
Kei hekulat kat tavaeen keil ran atan ten out Isrel,
ka hos tavaeen, keil itovuol emun en taon ten out Serusalem.
Hisuput tavaeen keil, kei heta vulvuli hehi soksokeite.
Asuv houlu onami enek heling tomat hel en kantri keil.
Hakot ten losilkatien onen hel en vali Atas Medeterenia en out not heha hetokol vali Atas Hilhili en out saot.
Atan osen, hakot teni hel en vali Oaisal Upretis en out ist heha vio ... hetokol keite ten out netan en out wes.”
10